سياسة الخصوصية

تطبيق «ميدان البلوت» · تاريخ السريان: 11 نوفمبر 2026

English version

1. مين إحنا

«ميدان البلوت» تطبيق لتسجيل نتايج صكات البلوت على الجوال.

2. وش نجمع

ما نجمع أي بيانات. التطبيق ما يتصل بالنت، وما يرسل لنا ولا لأي جهة أي شي عنك أو عن استخدامك.

3. وش ينحفظ في جوالك

أسماء الفريقين، ونتايج الصكات والجولات، وإعدادات التطبيق. كلها محفوظة في جوالك، وما توصلنا وما نقدر نشوفها. ولو حذفت التطبيق تنمسح من جوالك.

لو النسخ الاحتياطي حق جوالك مفعّل (حساب Google في أندرويد، أو iCloud في الآيفون)، ممكن النظام يحفظ نسخة منها ضمن نسخة جوالك، ويرجّعها لما تثبّت التطبيق من جديد. هالنسخة بينك وبين Google أو Apple، وتتحكم فيها من إعدادات جوالك، وإحنا ما نوصل لها.

4. المشاركة

صورة النتيجة وملف السجل ما يطلعون من جوالك إلا لما أنت تضغط «مشاركة» أو «تصدير»، ويروحون للمكان اللي أنت تختاره بس (مثل محادثة أو ملفاتك). اللي يصير لهم بعدها يتبع التطبيق أو المكان اللي اخترته.

وفي «استعادة السجل»، التطبيق يقرا بس الملف اللي أنت تختاره بنفسك.

5. الصلاحيات

في الآيفون: حفظ صورة النتيجة في الصور، لو اخترت «حفظ الصورة». وبس.

6. بدون حسابات ولا إعلانات ولا تتبع

ما فيه تسجيل دخول، ولا إعلانات، ولا أي أداة تتبع أو تحليلات.

7. الأطفال

التطبيق مو موجّه للأطفال.

8. التغييرات

لو تغيّر شي في هالسياسة (مثل لو أضفنا في تحديث جاي أداة تبلّغنا عن أعطال التطبيق)، نحدّث هالصفحة قبل ما ينزل التحديث.

9. التواصل

أي سؤال عن الخصوصية: support@maydanbaloot.com